АРХИТЕКТОНСКО СТУДИО II

Работата на Архитектонското студио II е поделена во три вежби со заеднички именител: Учење = Сеќавање на себеси.
Првата е подготвителна вежба: „Претставување = Создавање на Архитектонскиот простор“. Претставува слободорачна обработка на визуелните, графички елементи со кои се создава слика за просторот, и тоа од ментална претстава – идеја преку механизмите на сензо-моторната асимилација.
Втората вежба: „Отелотворување на Архитектонскиот простор“ ја има за цел феноменологијата на Архитектонскиот простор, како обединување на внатрешните и надворешните влијанија во единствен, целовит, структуриран, поимлив простор, кој како таков изразува одредено значение. Преку контролирана модуларност, просторна структурна решетка, совладување на вертикална длабочина на просторот, и откривање на различни формално-јазички вредности.
Третата вежба: „Сликовита автобиографија, Учење од традиционалната македонска архитектура“ ги обработува основните обликувачки елементи, генеративни принципи како вредности на просторот. Тема е човекољубен простор, човекомерен простор и контекст.